يابنات الحقوا خلطات عشان تلقوا بالعيد

السلام عليكم ورحمة الله وبركاته


كل الخلطات اللي راح اكتبها مجربتها و مضمونه ان شاء الله مو باقي الا تطبيقكم

البشره :


* تعيد نظارة الوجه تصفي البشره تطلع الخلايا الميته ..

صنفره للبشره كل يوم عباره عن :
( فنجان سكر خشن + ليمون ربع فنجان + زيت زيتون ربع فنجان )

تفركين فيها الوجه و تطلعين الخلايا الميته و بعد هذا حطي قناع بياض البيض ليما يجف بوجهج و بعدين شيليه بقطنه ماي ورد بارد ..

و كل يوم و ترك سوي هالقناع :
( ملعقتين شوفان مطحون + ملعقتين روب + قطرتين ليمون )

روعه روعه هالخلطه

===================================

* لتفتيح البشره و شدها و لمعانها :

( ملعقتين كبار حليب بودر + زيت اللوز المر + ماي ورد )

تعجنين المقادير ليما تصير رخوه و خفيفه و بعدين حطيها على وجهج و رقبتج ساعه كامله ..

====================================

* تفتيح البشره و تصفيها :

( 3 ملاعق طحين + حليب بارد )

تخلطينهم عدل ليما تصير شكل قناع و بعدين نضيف عليها ملعقة ليمون و حطيها على وجهج نص ساعه و بعدين فركي وجهج باصابعج مثل السنفره

======================================

* تبيض البشره :

( ملعقة حليب بودر + شوية ماي دافي )

تخلطينهم ليما يصيرون على شكل كريم و حطيها على وجهج ربع ساعه بعدين امسحي بفوطه دافيه ..

========================================

* بشره صافيه و بيضه :

( روب + نشا الذره + ماي ورد )

تخلطين المكونات و تفردينهم على الوجه ..

========================================

* قناع للوجه :

( ملعقة حليب بودر نيدو + ملعقة عسل + بياض البيض ملعقتين + شوي ماي ورد + نشا الذره )

تخلطينهم و تفردينهم على وجهج وبعدين تغسلين بماي دافي و بعدين بارد

=========================================

* 7 أيام و وجهج يصير اللهم لا حسد :

( ملعقة حليب بودر + قطعة مره تدقينها ليما تصير ناعمه + ملعقه صغيره خميره + ملعقة عسل + روب بالنظر عشان تخلين الخلطه تنفرد على وجهج )

حطيها نص ساعه وغسليها بماي دافي بعدين ماي بارد او ماي ورد
( مع المداومه تشيل نص الحبوب و البثور اللي بالوجه )

=========================================

* تبيض و تشيل وتخفف من حبوب الوجه :

( عصير نص برتقاله + 3 ملاعق كبيره حليب بودر )

تخلطينها و تفردينها على الوجه 40 دقيقه و بعدين مرري على وجهج مكعبات ماي الورد

========================================

هذي خلطات للبشره و كلهم ممتازين و عن تجربه ما عليج الا انج تختارين اللي تريحج و تداومين عليها ..

......تحياتي لكم**
لاتنسوني من دعواتكم
[[فديتكم أنا ]] [[احبكم أنا]]

هههههههههههههه

يسلموو

هههههههههههههههه ههههههههههههههههههههههه ههههههههههههه

مشكورة

يا قمر

هههههههه